Ìdìbò ọdún 2027: Tinubu kì í ṣe Jonathan; kò ní gba kí ìdìbò tó máa borí rẹ̀ wáyé lábẹ́ àbojútó rẹ̀. Nàìjíríà ń lọ sí ọ̀nà ìjọba aláṣẹ kan ṣoṣo — Ajàfẹ́tọ̀ọ́ ọmọ ènìyàn Dele Farotimi
Agbẹjọ́rò tó tún jẹ́ Ajàfẹ́tọ̀ọ́ -ẹtọ́ ọmọnìyàn, Dele Farotimi, ti kìlọ̀ pé Ààrẹ Bola Tinubu kò ní gba kí ìdìbò tó máa borí rẹ̀ wáyé lábẹ́ àbojútó rẹ̀. Ó fi ẹ̀sùn kan pé Nàìjíríà ń yí padà sí ìjọba aláṣẹ kan ṣoṣo (dictatorship) lábẹ́ ìbòjú ti ìjọba tiwantiwa.
Nígbà tó ń sọ̀rọ̀ nípa ìdìbò ọdún 2027 tó ń bọ̀, Farotimi sọ pé ó pọn dandan kí àwọn ọmọ Nàìjíríà ṣọ̀kan láti kojú ètò òṣèlú náà, dípò kí wọ́n gbẹ́kẹ̀ lé ìdìbò nìkan láti mú ìyípadà wá.
Ó ní, “Tinubu kì í ṣe Jonathan; kò ní gba kí ìdìbò tó máa borí rẹ̀ wáyé lábẹ́ àbojútó rẹ̀. Kò ní ọ̀nà kankan láti borí, bẹ́ẹ̀ sì ni kò ní àlàyé tó tó láti ṣàlàyé àbájáde tó fẹ́ rí gbà. Tí ọ̀rọ̀ yìí kò bá jẹ́ ohun tó bani nínú jẹ́ tó bẹ́ẹ̀, ó lè jẹ́ ohun àwàdà; ètò ìnilára ti bí ohun tó burú jáde,” ó sọ bẹ́ẹ̀, nígbà tó ń fi Tinubu wé Ààrẹ tẹ́lẹ̀ rí, Goodluck Jonathan, ẹni tí ó gba pé òun ti ṣẹ́gun ní ọdún 2015.
Farotimi sọ pé àwọn ìbò tí àwọn ènìyàn dì kò ní ní ipa kankan, àwọn adájọ́ sì máa fọwọ́ sí àbájáde náà, àyàfi tí àwọn ará ìlú bá gbé ìgbésẹ̀ kan.
Ó ní, “Àwọn ìbò yín kò ní ní ipa kankan, àwọn adájọ́ sì máa fọwọ́ sí i, àyàfi tí èmi àti ìwọ bá pinnu láti ṣe nǹkan kan nípa rẹ̀. A ti sùn lọ nígbà tí wọ́n ń fi ìjọba aláṣẹ kan ṣoṣo sílẹ̀ ní orílẹ̀-èdè wa nípasẹ̀ ètò tiwantiwa.”
Ó ké pe kí a tún ètò orílẹ̀-èdè Nàìjíríà ṣe, kí a sì rò ó ní ọ̀nà tuntun, ó sì rọ àwọn ará ìlú láti ṣọ̀kan fún ìran tuntun fún orílẹ̀-èdè náà.
Ó ní, “Ohun kan ṣoṣo tí a lè ṣe fún Nàìjíríà ni láti tún ètò rẹ̀ ṣe, kí a sì rò ó ní ọ̀nà tuntun; kí a wá ọ̀nà láti kó ọ̀pọ̀lọpọ̀ àwọn tí wọ́n ti jìyà nínú ètò yìí jọ, kí a gbé ìran tuntun fún orílẹ̀-èdè yìí kalẹ̀ fún wọn, kí a sì dúró gbọn-in láti kojú ètò náà.”
Farotimi sọ pé ó pọn dandan kí ìyípadà ńlá (revolution) wáyé láti yí Nàìjíríà padà, bó tilẹ̀ jẹ́ pé èyí lè ṣẹlẹ̀ nípasẹ̀ ìdìbò.
Ó ní, “ “Ti ẹ ko ba fi iran fun Naijiria tuntun si ori iwe ibo, ẹ ko le koriya fun awọn eniyan lati duro lẹhin ibo wọn,” o wi bẹẹ.
Kini ohun tí ẹ bá wa rí sọ sí ọ̀rọ̀ yìí?
#asaketvnews #nigeria #yoruba #election2027 #tinubu
Agbẹjọ́rò tó tún jẹ́ Ajàfẹ́tọ̀ọ́ -ẹtọ́ ọmọnìyàn, Dele Farotimi, ti kìlọ̀ pé Ààrẹ Bola Tinubu kò ní gba kí ìdìbò tó máa borí rẹ̀ wáyé lábẹ́ àbojútó rẹ̀. Ó fi ẹ̀sùn kan pé Nàìjíríà ń yí padà sí ìjọba aláṣẹ kan ṣoṣo (dictatorship) lábẹ́ ìbòjú ti ìjọba tiwantiwa.
Nígbà tó ń sọ̀rọ̀ nípa ìdìbò ọdún 2027 tó ń bọ̀, Farotimi sọ pé ó pọn dandan kí àwọn ọmọ Nàìjíríà ṣọ̀kan láti kojú ètò òṣèlú náà, dípò kí wọ́n gbẹ́kẹ̀ lé ìdìbò nìkan láti mú ìyípadà wá.
Ó ní, “Tinubu kì í ṣe Jonathan; kò ní gba kí ìdìbò tó máa borí rẹ̀ wáyé lábẹ́ àbojútó rẹ̀. Kò ní ọ̀nà kankan láti borí, bẹ́ẹ̀ sì ni kò ní àlàyé tó tó láti ṣàlàyé àbájáde tó fẹ́ rí gbà. Tí ọ̀rọ̀ yìí kò bá jẹ́ ohun tó bani nínú jẹ́ tó bẹ́ẹ̀, ó lè jẹ́ ohun àwàdà; ètò ìnilára ti bí ohun tó burú jáde,” ó sọ bẹ́ẹ̀, nígbà tó ń fi Tinubu wé Ààrẹ tẹ́lẹ̀ rí, Goodluck Jonathan, ẹni tí ó gba pé òun ti ṣẹ́gun ní ọdún 2015.
Farotimi sọ pé àwọn ìbò tí àwọn ènìyàn dì kò ní ní ipa kankan, àwọn adájọ́ sì máa fọwọ́ sí àbájáde náà, àyàfi tí àwọn ará ìlú bá gbé ìgbésẹ̀ kan.
Ó ní, “Àwọn ìbò yín kò ní ní ipa kankan, àwọn adájọ́ sì máa fọwọ́ sí i, àyàfi tí èmi àti ìwọ bá pinnu láti ṣe nǹkan kan nípa rẹ̀. A ti sùn lọ nígbà tí wọ́n ń fi ìjọba aláṣẹ kan ṣoṣo sílẹ̀ ní orílẹ̀-èdè wa nípasẹ̀ ètò tiwantiwa.”
Ó ké pe kí a tún ètò orílẹ̀-èdè Nàìjíríà ṣe, kí a sì rò ó ní ọ̀nà tuntun, ó sì rọ àwọn ará ìlú láti ṣọ̀kan fún ìran tuntun fún orílẹ̀-èdè náà.
Ó ní, “Ohun kan ṣoṣo tí a lè ṣe fún Nàìjíríà ni láti tún ètò rẹ̀ ṣe, kí a sì rò ó ní ọ̀nà tuntun; kí a wá ọ̀nà láti kó ọ̀pọ̀lọpọ̀ àwọn tí wọ́n ti jìyà nínú ètò yìí jọ, kí a gbé ìran tuntun fún orílẹ̀-èdè yìí kalẹ̀ fún wọn, kí a sì dúró gbọn-in láti kojú ètò náà.”
Farotimi sọ pé ó pọn dandan kí ìyípadà ńlá (revolution) wáyé láti yí Nàìjíríà padà, bó tilẹ̀ jẹ́ pé èyí lè ṣẹlẹ̀ nípasẹ̀ ìdìbò.
Ó ní, “ “Ti ẹ ko ba fi iran fun Naijiria tuntun si ori iwe ibo, ẹ ko le koriya fun awọn eniyan lati duro lẹhin ibo wọn,” o wi bẹẹ.
Kini ohun tí ẹ bá wa rí sọ sí ọ̀rọ̀ yìí?
#asaketvnews #nigeria #yoruba #election2027 #tinubu
Leave a Reply